प्रधानमन्त्री ओली राष्ट्रिय सभामा सम्बोधन गर्ने

प्रधानमन्त्री केपी शर्मा ओली आज राष्ट्रिय सभामा सम्बोधन गर्दै छन्। बैठक दिउँसो १:१५ बजेका लागि तय गरिएको छ।

बैठकमा विकास, आर्थिक मामिला तथा सुशासन समितिकी सभापति कमला पन्त ‘नेपालको अतिकम विकसित राष्ट्रबाट विकासशील राष्ट्रमा स्तरोन्नतिसम्बन्धी अध्ययन प्रतिवेदन, २०८१’ प्रस्तुत गर्नेछिन्।

उक्त प्रतिवेदनमाथिको छलफलको क्रममा प्रधानमन्त्री ओलीले राष्ट्रिय सभामा आफ्ना धारणा सार्वजनिक गर्ने तयारी गरेका हुन्।

यो सम्बोधन नेपालको विकास प्रक्रियाको वर्तमान अवस्था र आगामी रणनीतिसम्बन्धी सरकारको दृष्टिकोण प्रस्ट पार्ने अवसरका रूपमा हेरिएको छ।